En cuarto xa rematamos o noso proxecto sobre Galicia. Quedounos moi completo e interesante.

Chegou o Nadal ao colexio! O tren da entrada ten os vagóns cheos! Os nenos e nenas do 2º ciclo enchemos dous deles, un de flores de Pascua e outro de bastóns de caramelo. Mirade que colorido!

Os nenos e nenas de 3º fixemos as nosas versións da famosa pintura "Cadrados con círculos concéntricos" de Kandinsky. A que vos gusta o colorido?

Hoxe, luns, 4 de novembro, aprendimos cousas sobre a reciclaxe cuns empregados de SOGAMA.

O luns 28 de outubro celebramos o Magosto no colexio. Tomamos castañas asadas, refrescos ... e tamén bailamos. Unha sesión de tarde moi divertida! Mira as fotos.

Tamén quixemos ambientar o relanzo da escaleira con estes móbiles de Samaín.

Xa se respira o ambiente de Samaín e Halloween no colexio. Mirade que decoracións se fixeron. E as cabazas están estupendas! A exposición quedou sensacional!

Como xa vai ser Samaín e Halloween, hoxe baixamos á biblioteca @s nen@s de 3º para ler contos de medo. Que ben o pasamos!

Este mércores participamos nos almorzos saudables que se celebran todos os anos no colexio. Estaban deliciosos!

En 4º curso imos traballar nun proxecto sobre a nosa comunidade, Galicia. Ata agora, xa ubicamos a España no mapa do mundo e logo no de Europa. Despois situamos a Galicia en España, diferenciamos as catro provincias galegas e analizamos a superficie de cada unha.

Os nenos e nenas de 3º estamos comezando un proxecto chamado EXPLORANDO AS CORES. De momento, traballamos coas tres cores primarias: azul, vermello e amarelo.

Xa estamos no outono! Na entrada do colexio hai un tren cheo de froitos desta época. Os nenos e nenas de 3º enchemos un vagón de caquis, e os de 4º outro de castañas. Mirade que ben nos quedaron.

Ola! Aquí estamos outra vez. Mañá comezan as clases. Benvidos ao novo curso 2013-2014!

Hoxe foi o último día deste curso 2012/2013. Para celebralo, fomos todo o colexio ao cine a Lugo. A película elexida foi Monsters University. Que divertida! Pasámolo moi ben! Agora a disfrutar do verán. Boas vacacións a todos e todas. Ata setembro!

Os alumnos e alumnas de 4º curso representamos unha obra de teatro para todo o colexio. Colaboraron tamén os nenos e nenas de 5 anos de infantil. Foi moi divertido!

No noso proxecto de pintura tamén traballamos a arte abstracta. Esta mostra o que sente e pensa un artista, máis que o que ve. Un artista abstracto usa cores e formas para expresar as súas emocións e ideas. Como non coñecemos os pensamentos dos demais, non sempre sabemos que representa a arte abstracta.

Sabedes quen era Andy Warhol? Pois foi un artista plástico e cineasta estadounidense. Seguro que vistes algunha vez algún dos seus retratos Pop Art, neles usaba fotos de artistas famosos, recortábaas, elexía as cores e repetíaas. Esto foi o que fixemos nós coas nosas fotografías, imitando o seu estilo ... a que parecemos estrelas do cine?

En relación co noso proxecto de pintura, mirade as nosas versións da árbore de Kandinsky. A que teñen unhas cores moi bonitas?

O luns, 13 de maio, veu José Mª, un músico de Ortigueira, para ensinarnos instrumentos musicais tradicionais. Foi moi divertido e aprendimos moito.

En 4º continuamos co noso proxecto de pintura, mirade que ben nos quedaron os traballos sobre o puntillismo e os bodegóns!

Hoxe estivemos aprendendo como facer xabón. María, que é unha experta nesta materia, explicounos os seus beneficios, pois é máis ecolóxico  e tamén máis económico que o que atopamos nas tendas.

Hoxe chegaron por correo os diplomas para seis alumnos de 4º, por participaren na XIII Edición dos Premios da Muralla de Lugo de Debuxo e Redacción Infantís. 

Hoxe asistimos a unha charla sobre o mel. Así soupemos máis cousas sobre como o elaboran as abellas e cal é o labor dos apicultores. Tamén tivemos a oportunidade de probalo.

O martes 23 de abril, que foi o Día do Libro, asistimos na biblioteca á obra de títeres Caraporquiña Vermella que representou Xan Pérez.

Os alumnos e alumnas de 4º, seguindo co noso proxecto sobre a pintura, fixemos traballos sobre a cultura exipcia. Esperamos que vos gusten!

O mércores 27 de febreiro veunos visitar a escritora Fina Casalderrey. Previamente xa leramos o libro na clase e preparamos preguntas para ela. Tamén lle ensinamos os nosos debuxos sobre o libro.

Hoxe á mañá, os nenos e nenas de 4º, asistimos á representación da obra de teatro en inglés "Camp Mosquito" no salón de actos do CEIP Bragade de Cesuras.